المساعد الشخصي الرقمي

مشاهدة النسخة كاملة : ضيفتنا الغاليه>> مون مون لولو<< ...ليست مجرد عضوه فقط>>>

Jeddahwya
16-05-2006, 10:00 PM
بسم الله الرحمن الرحيم


السلام عليكم ورحمة الله


لي فتره وانا انتظر هذا اليوم اني اصير مشرفه في المنتدى الرائع

جده نيوز


عشان غرض واحد بس


والغرض هذا شي اتمناه من زماااااان


والحمدلله اليوم اتحققت امنيتي


وقدرت اوصل للمكان هذا عشان احقق امنيتي


امنيتي هي الاتي
:
:
:
:
:
:
:
:
:
:
:
:
:
:
:
:
:
:
:
اني استضيف عضوه احبها من كل قلبي

عضوه احبها في الله

لانها صاحبة اخلاق رفيعه

وصاحبة مكانه في قلبي

تدخل الى قلوب الناس بعفويتها


وصراحتها


وردودها العقلانيه


ومواضيعها التي تدخل لقلوبنا بسهوله


رحبوا بضيفتنا

الحبيبه والغاليه



F15: مون C14: مون C14: لولوF15:


هي ضيفتنا


وهي نور منتدانا


اتمنى ان تطرحوا كل مايجول بخاطركم من أسئله وتعليقات


تحياتي لكم


jeddahwya
DeEeDoOo
17-05-2006, 01:31 AM
مبروك جداوية ع الاشراف

وازا على مون مون لولو
صدقتي والله
انها من جد اخت وصديقة وغالية علينا كلنا


انا احب اوجه لها رسالة اقولها:

مون مون لولو انا مرررررررررة احبك
انسانة اخلاق وعفوية وطعامة
الله يخليكي لنا ويخليكي لاهلك وامك وابوكي وكل من يعز عليكي
ولا يحرمك اياهم

الى الامام دااااااائما
اختك..ضحى



جداوية مرة شكرا
اعطيتينا الفرصة اللي تنشرى بالدهب
اششششششكرك
أم يارا
17-05-2006, 01:28 PM
تسلمين جداويه
بصراحه مون عضو مرة متميز وانا دايما اتابع مواضيعها وارد عليها

صحيح اني ما اعرفها معرفه زينه لأني جديده عالمنتدى

بس مواضيعها يمكن عطتني فكرة عنها،،،:028:

ولو سمحتيلي يا جدااويه ،بس ابى بطاقة تعارف من مون ،،

وسؤالي الثاني ،، اش هي أولوياتك في الحياة يا مون؟؟

انشالله ما ثقلت عليكي بأسئلتي ،لأنو هاذي البدايه حستنى بقية الاعضاء يدخلو بعدين حرجعلك بأسئله تانيه:001:
مون مون لولو
19-05-2006, 06:01 PM
هايات....









أول حاجة طبعا أحب أوجه شكر كبيييييير لجداوية حبيبة قلبي....








وأقول لها انو مرة شكرا على إهتمامك وأنا فعلا أعتز بصداقتك.....









ويشرفني جدا الكلام اللي كتبتيه عني....







وطبعا مرررررة فرحتيني:031:









يعطيكي العافية,,,,









تحياتاتو....
مون مون لولو
19-05-2006, 06:05 PM
DeEeDoOo







شكرا ليكي على مرورك وكلامك الحلو....







وأكيد الكلام اللي كتبتيه عني مررررة حلو وكلك زوووق....








وأكيد أنا كمان مرررة أحبكم كلكم,,,,







ويارب نفس الدعوات اللي دعيتيها ليا عليك مثلها....








وأكيد فرحتيني....








يعطيكي العافية....









تحياتاتو.....
مون مون لولو
19-05-2006, 06:24 PM
أم يارا.....







شكرا ليكي وشكرا عالكلام الحلو اللي كتبتيه عني.....








وكلك زووووق,,,,








أما بالنسبة لأسئلتك ياعزيزتي...









طيب:







بطاقتي الشخصية :




اسمي المستعار : مون مون لولو....




عمري 20 سنة.....





أدرس لغة انجليزية في الجامعة ....






تاني سنة في الجامعة بس حاطيني مستوى خامس والمفروض أنا مستوى رابع بس يقولوا اني شاطرة عشان كدا رفعوني مستوى:009:





بس أنا طبعا أشك إنها لخبطة...





طبعا جنسيتي سعودية....







أما أولوياتي في الحياة:




بصراحة أتمنى رضا ربي حبيبي قبل شي ,,,,





بعدين رضا ماما وبابا.....





وأحاول اني أكون إنسان مثالية في أغلب جوانب حياتي.....





وبس....





وأكيد حستنى أسألتك الباقية بفارغ الصبر....





شكرا ليكي مرة تانية,,,,





أسعدني مرورك واكيد كلامك عني مرررة فرحني.....






تحياتاتو...
عاشق القلوب
19-05-2006, 06:37 PM
في البدايه احب اشكر الأخت جداويه

الأخت مون مون لولو اعتبرها اخت واكثر من اخت عزيزه على قلبي
وساعدتي كثييييييير في امور كانت صعبه عليه

اشكرها من كل قلبي


وودي اسألها اسأله وان شاء الله ماتكون ثقيله:


ماذا يعنيكي منتدى جدة في حياتك؟


بأي نسبة تخرجتي من الثانويه العامه؟
ايش احلى ماده كنتي تحبيها؟
وايش اخص ماده كنتي تدرسيها؟وليش؟

كم مره سافرتي؟وفين؟


وانتظري اسألتي الجاايه

ومشكوره اختي الجداويه
Jeddahwya
19-05-2006, 08:23 PM
هلا يامون مون


والله يحبيبتي الي قلته قليل في حقك

تستاهلي اكتر من كده


انا بجهز الاسئله واطرحها قريبااا


خليني افضى من الامتحانات


تحياتي
مون مون لولو
19-05-2006, 10:32 PM
أهلين وسهلين ومرحبتين عاشق القلوب.....

نورت الموضوع:028:


وشكرا عالكلام الحلو اللي أحسو كتير عليا...


أما عن أسئلتك ياعزيزي:


ماذا يعنيكي منتدى جدة في حياتك؟

الصراحة المنتدى دا أعتبرو جزء لايتجزأ من حياتي لأني مررررة أحبو وكمان لآني عرفت فيه ناس كتير مرررة حبيتهم ومرررة طيوبين...

بأي نسبة تخرجتي من الثانويه العامه؟

المفروض 91% بس بعد التراكمي 89%


ايش احلى ماده كنتي تحبيها؟

الأدب خصوصا العباسي والأموي


وايش اخص ماده كنتي تدرسيها؟وليش؟

البلاغة والنقد لأنها مررررة صعبة


كم مره سافرتي؟وفين؟

سافرت كتير....


رحت مصر مرررة كتير وماليزيا ولبنان مرتين و الأردن وسويا وتركيا والإمارات مرة وحدة بس...


حاستنى بقية أسئلتك....


وأكيد مرورك أسعدني....


تحياتاتو.....
مون مون لولو
19-05-2006, 10:34 PM
أهلين جداوية,,,,



تسلمي لي ياعسل والله لايحرمني منك وكلك زوووق....



وأنا في انتظار أسئلتك....




والله يوفقك في إمتحاناتك....



أسعدني مرورك.....



تحياتاتو....
أعزانسان
19-05-2006, 11:03 PM
وي وي لايكون نسيتوووني

خخخخخ باكو


مون مون


شو هالطلة الحلوة

عزيزة وغاليه والله ودااايم معانا مدري كيف بنتحمل فرااقك << ليه سفرت البنت خخخخ ؟؟

اسئلة ماعندي .. ممممم

وش رايك ف اعزانسان ، جداوية ، ديدو ، الرحال ،،، بسش :)
مون مون لولو
19-05-2006, 11:30 PM
أهلين أعز إنسان.....




نورت الموضوع.....




بس لاتخاف لو سافرت إن شاء الله برضو ماحأقطعكم,,,,



أما سؤالك ياعزيزي:

وش رايك ف اعزانسان ، جداوية ، ديدو ، الرحال ،،، بسش :)


أعز إنسان : اسم على مسمى ولو اني مااعرفك عز المعرفة بس أشهد لك على نشاطك وحسك الحلو في المنتدى...



جداوية : إنسانة مرة عزيزة على قلبي ووحدة من أعز صاحباتي وأنا مرررة أحبها....


ديدو : بنوتة مرة عسولة وطيوبة ولو اني برضو ماأعرفها عز المعرفة بس حبيتها من حسها الحلو بالمنتدى...


الرحال: الرجل الصغير ودايما أقولو انو انتا مخك أكبر من عمرك....


وشكرا مرة تانية ليك....


أسعدني مرورك.....


تحياتاتو....
DeEeDoOo
20-05-2006, 02:36 AM
ديدو : بنوتة مرة عسولة وطيوبة ولو اني برضو ماأعرفها عز المعرفة بس حبيتها من حسها الحلو بالمنتدى...



ياعمي مرررررررة لزيزة انتي
ولا انا مااعرفك بس الكتاب من العنوان يبان
حبيبة قلبي


نفسي اسألك بس ماعرف


استني انغبر ف مخي شوية.....

ممممممم



اها



انا ع ابواب الجامعة
قسم الانجليزي
صععععععب والا نص نص والا سهههل
يحتاج طولة بال؟؟
مون مون لولو
20-05-2006, 03:47 AM
هاي ديدو.....







نورتي...






الصراحة قسم الانجليزي مرررة فلة,,,,






بس يبغالو مزاكرة وطولة بال ولازم تكوني حابة القسم.....







ولاتنسي تبشريني لو انقبلتي في القسم.....







شكرا ليكي مرة تانية وأسعدني مرورك....







تحياتاتو,,,,
الخيال
20-05-2006, 07:41 PM
ماشاء الله ..
.مون مون تخصصك انجليزى الله لا يضرك يارب ..
.
.................................................. ...............
.هل تهوين الشعر ؟؟.
.أين تكون مون مون لولو عندما يمر شريط الطفوله أمامها ..
.
أتمنى الاسئله تكون واضحـه .
.
فى أمان الله
مون مون لولو
20-05-2006, 10:54 PM
أهلين ومرحبتين بالخيال....











منور :003:







أسعدني وجودك في الموضوع....








أما عن أسألتك ياعزيزي....








.هل تهوين الشعر ؟؟.






أحب الشعر بس طبعا اللي بكون باللغة العربية الفصحى...






.أين تكون مون مون لولو عندما يمر شريط الطفوله أمامها ..






أنا بصرحة أحب طفولتي جدا وكتير بيقولوا لي انو أنا لسا فيا شي من الطفولة....







بس بصراحة أكتر وقت في طفولتي أحبو وأتمنى رجوعو لما كان عمري مابين سنة إلى 9 سنين,,,








وشكرا لمرورك مرة تانية,,,











تحياتاتو.....
abood_99
21-05-2006, 12:52 AM
واوووووووو مقااابله مع مون مون لولو
طيب
اوك
ممكن سؤااال؟؟
طيب السؤاال هو
مين اكثر وااااااااحد او وحده تحبينهااا في منتدى جده نيوووووز
طبعاُ انتي تحبين كل الاعضااااء بس الاكتر ولو بذره
وشكراً..
مون مون لولو
21-05-2006, 09:06 AM
أهلين وسهلين بعبود...



منور.....




أشكر لك مرورك على الموضوع....




أما بالنسبة لسؤالك....




مين اكثر وااااااااحد او وحده تحبينهااا في منتدى جده نيوووووز




بصراحة أنا مرة أحب الأعضاء القدامى اللي عرفتهم أول ماسجلت بجدة نيوز...



كمان في أعضاء مررة طيوبين ومرة يعجبوني وأحبهم,,,,



زي جداوية وهيثماتو وواحد طعم والبروفيسور والرحال والعسولة وجونكراتو....



وبصراحة كتير أعضاء أحبهم بس الآن ماتحضرني كل الأسماء وياريت أي أحد نسيتو مايزعل مني.....



بس أنا سميت هادولا الأعضاء لأنهم جدا مميزين بنظري ولأنك طلبت مني أسمي,,,,




وشكرا ليك مرة تانية....



أسعدني مرورك.....



تحياتاتو.....
*soft rose*
22-05-2006, 07:35 AM
أهلييين

شكرااا جدااوويه ..:..

الصرااحه موون بنت ... مررره كلها زووووق .. وأخلااااق وطيبه ....

أنا ما أحتكيت فيهاا كتيييييييييييير بس بااين عليها من خلال ردودهاا ومواضيعهاا

لو أجلس اللين بكررررره ما أخلص ....

.
.

ممممممم أبى أسألك سؤااال ممم

مين أكتر عضوو تحسيه فلللللللللللله بالمنتدى ؟؟

.
.

اللللللللللللله يوفقك ويسعدك :015: :015:

تحيااتي

أختك : سووووووووفت
مون مون لولو
22-05-2006, 10:51 PM
أهلين ومرحبتين بـ سوفت روز.....


منورة.....


ومرة شكرا على الكلام الحلو اللي كاتبتو عني.....


أما بالنسبة لسؤالك ياعزيزتي....


مين أكتر عضوو تحسيه فلللللللللللله بالمنتدى ؟؟


الصراحة كل أعضاء المنتدى فلة بس أنا في نظري أكتر تلات تعجبني مواضيعهم وأحس دمهم مرة خفيف


وهمو واحد طعم وهيثماتو وجونكراتو....


وشكرا ليكي....


أسعدني تواجدك في الموضوع....


تحياتاتو...
DeEeDoOo
23-05-2006, 01:22 AM
مممممم

نفسي اسأل

بس ماعندي...؟؟
ايش اسوي؟؟

شكلي حابطل؟؟


لالا

اسمعي

ممممم

متى تخلصي اختبارات؟؟
قبلنا:011:

والا معااااانااا؟؟:017:
مون مون لولو
23-05-2006, 02:53 AM
مرحبتين بـديدو....



نورتي,,,


الصراحة ياعسل أنا أغلق قبلكم اختبارات:003:


بس أكيد اني دقت العذاب لما كنت قدكم:008:



وشكرا لمرورك مرة تانية ,,,,



أسعدني مرورك....



تحياتاتو,,,
SERAJ
23-05-2006, 03:44 PM
هااااي جداوية

بصراااحة موون مون لولو إنسانة حبووبة ومواضيعها مرة حلووة وللأسف اني ماأعرفها زين ولا مرة احتكيت فيها

مون مون لولو
أنا أعتبرك مثل أختي الكبيرة وأكثر وأتمنالك التوفيق ومشكووورة أختي جداوية

وموون موون لولو تستاهل أكثر

أخوك سراج
مون مون لولو
24-05-2006, 04:44 AM
أهلين سراج:003:



نورت الموضوع.....



ومررررة شكرا عالكلام الحلو اللي قلتو عني,,,,


وأنا كمان أعتبرك زي أخويا الصغير:033:



ومررررة شكرا على زوقك معايا....



أسعدني مرورك....



تحياتاتو.....
gonkar
25-05-2006, 12:38 PM
أهلالالالالالالالالالالالالالالالالالالالا مون مون لولو

حبيت أمر تقديرا وإحتراما لك:009:

ماأدري إذا متذكرتني ولا لأ بس أنا واحد لكيع مررررررره:015: كنت مطفشكم:015:

بصراحه مافي سؤال ببالي زي ماإنتي عارف مخي سلفته واحد ولا رده<<<نصاب ماعنده مخ من أصله:013:
YOU SMOOKE ENGLISH:015: <<<<DON'T SAY WRONG WORD OK
:015:
YOU ME SORRY
هههههههههههههههههههههههههههههههه عدم الإنجليزي كله

YOU ARE COOOOOOL GIRL
يعني بنت بردانه:013: هههههههههههههههههههههههههه

دخلت لأسجل حضوري وإعجابي بشخصيتكي وخفة دمك وتبقين أخت فاضلة الكل يحبها ويقدرها ويحترمها

وكفايه إنك سجلتي بنفس الفترة إللي سجلنا فيها:009:

تقبلي أرق التحيه يادوباااااا:015:

جووووووووونكر http://smileys.smileycentral.com/cat/36/36_2_35.gif (http://www.smileycentral.com/?partner=ZSzeb001_ZSYYYYYYYYSA)
قمر المدينه
25-05-2006, 03:28 PM
شوفي اسئلتي مره علفطره يعني ماحقلك اسئله تقليديه الي يجي فبالي حقولو حلوو؟؟

حفرض انك قلتي حلوو


السؤال الاول

لمن مثلا تروحي فرح وتروحي مرايه وتلاقي انو عدساتك مافي ايش حتسوي ؟؟

ايش حتحسي؟؟

حتخرجي من الفرح تدوري عليها ولا تدوري تحت الناس في الطاولات؟؟

السؤال التاني

لمن مثلا رحتي السوق وجاكي واحد رزل مره وفضل يلف وراكي فكل محل

ايش حتسوي؟؟

حتخليه يرقمك عشان يحل عن مزهب اهلك؟؟

حتسوي بلاهه وتنادي الهيئه ومستقبل الولد يضيع <-- مع انو احسن مو بلاهه

؟؟

ولا حتتصلي على ابوكي؟؟

السؤال التالت


اكتبي كلمتين ولا زي ماتحبي عن هدولا الناس

جداويه الي مره حبيتها ( انا حبيتها انتي مالك صلاح )؟؟

ساكن البغداديه الي مره ما احبوو لانو دمو يلطش ويارب مايكون سامعني ؟؟

جنقر الي بس يحط وجيه شايلهم فعلبة صلصه ؟؟

اسيره الود المره التقيله الي زيها ماشفت ام الكل دي المره ؟؟

انا ( ولاحظي لو قلتي كلمه مهي حلوه حجيب جماعة نخاوله ومعاهم عصي وربي يقطعو القلوب دول فانتبهي )

وشكرا

<-- دمها زي البق مشي حالك ..

قموره المدينه ( التكرونيه )
مون مون لولو
26-05-2006, 09:47 PM
أهلين جونكراتووو منور....


مرررة شكرا على مرورك الحلو وأكيد اني فاكرتك ومانسيتك ياعدو المرأة الأول:015:



الصراحة من الواضح انك عمرك مادرست انجليزي:007: بس معليش لو بدك دورات انا في الخدمة,,,,



الشهر بمية ألف دولار:000:



ودا سعر خاص علشانك:015:



وشكرا على كلامك الحلو اللي كتبتو عني....



أسعدني مرورك....



تحياتاتو....
مون مون لولو
26-05-2006, 09:55 PM
أهلين بقموورة المدينة....



منورة الموضوع,,,



بالنسبة لأسئلتك ياعزيزتي,,,


السؤال الاول

لمن مثلا تروحي فرح وتروحي مرايه وتلاقي انو عدساتك مافي ايش حتسوي ؟؟


الصراحة دا شي مستحيل لأنو العدسات شي مرررة مهم بالنسبة لي,,,


ايش حتحسي؟؟

والله مااتوقع حدوث دا الشي....

حتخرجي من الفرح تدوري عليها ولا تدوري تحت الناس في الطاولات؟؟

لاطبعا لو حصل حافضل في الفرح وماراح ادور عليها


السؤال التاني

لمن مثلا رحتي السوق وجاكي واحد رزل مره وفضل يلف وراكي فكل محل

ايش حتسوي؟؟

ح أطين عيشتو....

حتخليه يرقمك عشان يحل عن مزهب اهلك؟؟

طبعا لا

حتسوي بلاهه وتنادي الهيئه ومستقبل الولد يضيع <-- مع انو احسن مو بلاهه

؟؟

الهيئة لا بس أنا مااح أخلي ولاأبقي فيه...

ولا حتتصلي على ابوكي؟؟

لا برضو
السؤال التالت


اكتبي كلمتين ولا زي ماتحبي عن هدولا الناس

جداويه الي مره حبيتها ( انا حبيتها انتي مالك صلاح )؟؟

بنوتة مرررة عسل وأنا مرررة أحسها زي أختي وأكتر ...


ساكن البغداديه الي مره ما احبوو لانو دمو يلطش ويارب مايكون سامعني ؟؟

الصراحة مو مرررة أعرفو بس طالما انو في جدة نيوز أكيد حيكون كووول


جنقر الي بس يحط وجيه شايلهم فعلبة صلصه ؟؟

جونكراتووو واحد دمووو عسل وأنا مرررة تعجبني موضوعاتو و ردودو....


اسيره الود المره التقيله الي زيها ماشفت ام الكل دي المره ؟؟

أسيرة الود ممكن تسميها جنتل وومن بس برضو مااعرفها عز المعرفة بس دا الواضح من مشاركاتها...


نا ( ولاحظي لو قلتي كلمه مهي حلوه حجيب جماعة نخاوله ومعاهم عصي وربي يقطعو القلوب دول فانتبهي )


انتي اسم على مسمى قمورة المدينة وبنتوتة زي العسل وكفاية تقديرك ليا ومرورك عالموضوع :033:


شكرا ليكي....



أسعدني مرورك....



تحياتاتو.....
الخشن
01-06-2006, 04:09 PM
والله أنا ما أعرف ذي العضورة:001: (لأنك جديد يا مخ)

وات هير يو كم يو مي أز وات؟(ما عليكم منه طاحس بالأنجليش ومسوي فل)

على العموم ندخل الموضوع :010:


بسألك أسئلة وإن شاء الله تكون ثقيلة أقصد خفيفة عليكي وتجاوبي قبل أنتهاء فترة الأختبار(والله انك مصرقع)

وأي سؤال ما تبي تجاوبي عليه لا تجاوبي بس مالي صلاح بعدين لما ترسبين(الأختبارات لها دور فعال في صرقعة أكثر الأعضاء)

على العموم السؤال الأول:
كيف حالك؟(أقول أخلص علينا ولا تخبص الموضوع)
خلاص آسف بس الأختبارات سووحقن لها خبصت دماغي(طيب أسأل)

س1:لو قالوا لك أختاري أي قسم من منتديات جدة نيوز لكي تكوني مراقبة عليه فأي قسم بتختاري؟

س2:كم مرة حصل لك مقلب؟:010: وأذكري أي مقلب حصل لك بالتفصيل؟

س3:تسوين مقالب بصباتك أو قرايبك؟

س4:أيش أحسن سنة عشتيها في حياتك الدراسية؟

س5:تحبين النفط؟>>>هازا سؤال خاص بشخصيتي المفرطه:010:

س6:ما رأيك بالأعضاء التاليين:

1-جداوي

2-جونكر

3-جداوية

4-روبي

5-مرجوجة

6-رحال

7-مارد

8-كاسبر

9-واحد طعم تاتا

10-هيثم

11-ذيبو

12-الخشن(أنا:010: )

وإن شاء الله ما اكون ثقلت عليكي .. سلاااام:014:
مون مون لولو
05-06-2006, 10:28 AM
أهلين وسهلين بالخشن...


منور الموضوع,,,


مررررة مرورك أسعدني خصوصا إنك عضو جديد:009:



وإن شاء الله تنبسط معانا,,,



أما أسئلتك ياعزيزي,,,

س1:لو قالوا لك أختاري أي قسم من منتديات جدة نيوز لكي تكوني مراقبة عليه فأي قسم بتختاري؟

ممكن لها أو بحور النقاش

س2:كم مرة حصل لك مقلب؟:010: وأذكري أي مقلب حصل لك بالتفصيل؟
كتير والله بس كم ماافتكر,,,

مقلب حصل بالتفصيل....

ممممم

مرة كنت بافطر في الجامعة وكنت قاعدة مع صاحباتي وطبعا كالعادة الجوال والمحفظة حاطتهم عالطاولة....

فلما قمت نسيت أشيل محفظتي قامت صاحبتي شالتها...

طبعا بعدها ممكن بنص ساعة كنت أبغا اشتري موية دورت عالمحفظة مالقيتها :007:

رحت نفس الطاولة ولقيت بنات جالسين وسألتهن عن محفظتي قالوا لي ماشفناها....

ورحت سألت الفراشات عنها وقالوا ماشفناها ودا كلو وصاحبتي معاها المحفظة وماشية معايا,,,

قمت رحت للشؤون في الجماعة وقدمت بلاغ وبرضو صاحبتي معايا,,,

بعدها بساعتين جات سيارتي وخرجت من الجماعة ولما ركبت السيارة دقت عليا صاحبتي قالت لي ارجعي ضروري....

ولما رجعت اتفاجأت انو المحفظة معاها وأنا قاعدة أدور عليها:006:


س3:تسوين مقالب بصباتك أو قرايبك؟

الصراحة ماأعرف لأني ماأقدر أمسك نفسي عن الضحك...

س4:أيش أحسن سنة عشتيها في حياتك الدراسية؟

آخر سنة في المدرسة اللي هيا تالتة ثانوي

س5:تحبين النفط؟>>>هازا سؤال خاص بشخصيتي المفرطه:010:

ممم سؤال غريب ايوا أحب النفط حب صداقة:015:

س6:ما رأيك بالأعضاء التاليين:

1-جداوي ماأعرف واحد اسمو جداوي بس طالما نو في جدة نيوز أكيد انو كووول...

2-جونكر : عدو المرأة الأول بس دمووو مرررة خفيف وهوا من الأعضاء المميزين...

3-جداوية : بنوتة عسولة وأنا مرررة أحبها ويارب تتوفق في حياتها...

4-روبي : زي أختي الصغيرة وأكيد لها حس حلو في المنتدى...

5-مرجوجة : مرررة واحشتني البنت دي من زمان ماشفتها بس أكيد هيا من الأعضاء المميزين...

6-رحال : الرجل الصغير يعني مخو أكبر من عمرو أكيد هوا برضو عضو متميز...

7-مارد : عضو متميز في مواضيعو و ردودو وأكيد لو حس حلو في المنتدى...

8-كاسبر: عضو مرررة لزوز ومتميز...

9-واحد طعم تاتا: واحد طعم عضو وتاتا عضو تاني يعني الاتنين مهم نفس الشخص,,,

واحد طعم من الأعضاء المتميزين ودمووو مرة خفيف ,

تاتا واحد من أهم أعضاء المرأة بس أنا والبنوتات له بالمرصاد...

10-هيثم : هيثماتو برضو من أعضاء المرأة بس مرررة كوول ودمو خفيف...

11-ذيبو :بصراحة ماأعرفو بس طالما انو في جدة نيوز أكيد انو عضو كووول...
12-الخشن : بصراحة عضو مرررة واضح عليه انو حيكون مميز :009:


ومرررة شكرا ليك على مرورك.....


أسعدني مرورك....


تحياتاتو,,,,
Jeddahwya
07-06-2006, 01:44 AM
هلا والله يااااااااامووون مووووون




صرااحه نوووورتي المووووضوع بوووجووودك وانتي نور المووووضوع اكيييدد



طيب اانا عندي اسئله كتيييييييير بس تجااوبي فاهمه :013:


1_كم مقاس الشووز حقتك الله يكرمك؟؟؟


2- الين فين طول شعرك؟؟

3-كم عدد اخواتك واخواانك وايش ترتيبك؟؟


4-كم معدلك في الجامعه؟؟!!!************************احراج بس جااوبي

5- اسم ولد يعجبك؟؟واسم بنت يعجبك؟؟

6-ايش اكتر شي تحبي تلبسي مثلا بنطلونات تنانير ...الخ؟


7-بلد تتمني تسافريها شهر عسل انشاءالله لمن تتجوزي؟

8- لو خيروكي من اعضاء المنتدى مين تتمنيه زوج لكي؟؟********>مجرد سؤال لااحد يصدق الاجابه

يعني قصدي في اخلاقوو واسلووبوو

9- ايش طموحاااتك في الحياه العمليه والعلميه والاجتمااعيه؟

10- اكتر انسانه تعزيها من بين صحباتك ايش اسمها؟ واكتر وحده تعزيها من قرايبك مين هي وايش اسمها؟؟

11-ايش الاكله اللي تحبي تاكليها؟؟

12- اكله تحبي دايما تطبخيها لو انتي بتطبخي اصلا لوووووووووووووول:013:


13-ايش اكتر اسواق تحبي تشتري منها في جده

14- ايش اكتر شي يشد اهتمامك لمن تنزلي السوووق مثلا صنادل ساعات بلايز..الخ؟؟


15- اخر هديه اشتريتيها ؟ لمين ؟ وايش كانت؟

16- اغلى هديه اهديتيها لمين وايش كانت؟؟

17- اخر مره روحتي السوق ايش اشتريتي؟؟

18- اكتر وحده تحبيها في المنتدى...,اذكري اسم شخصين (اسم بنت +اسم ولد )؟

19- لو قالولك تروحي تعيشي في مكان مافيه ناس مثلا جزيره ناءيه توافقي؟؟ ومين تتمنى تاخدي معاكي هناك؟؟


20-كم مره تروحي الحرم في الشهر ؟؟

21- عمرك سقتي سياره ولالا؟؟
لو كان ايوه فين ومتى وسيارة مين؟


22-ايش هواياااتك؟


23-تحبي تتشمسي(تتقمري في الشمس)************************جداويه تحب تتقمر لووول؟؟

24-ايش لون عيونك؟ لون شعرك؟ لون غرفتك؟ لون سياره سواقكم لووووووووووول؟؟

****************************************لقاااااااااافه


25-اكتر مكان تحبي تروحيه يعني تتمشي فين؟؟

26-ايش المطعم الي تحبي تاكلي فيه ؟؟

27- مين بنت من المنتدى تتمني تقابليها قررييب؟؟؟********>>ِشكلي اانا ياويلك لو ماكتبتي اانا:018:

28-ولد من المنتدى تتمني تجوزيه لوحده من اخوااتك >>>لانو فيه سؤال فوق واحد تتمنيه زوجك ؟>>لوول




خلاص كده يكفي


ترا انا جالسه افكر في ساعتها دوبني في الاسئله


لووووووول


يالله جاوبيها كوولهاااااااااا


بايات:020:
البروفسور
11-06-2006, 06:04 PM
مساؤكم أزاهيري عابق .. يتسلل إلى أرواحكم كحلم طفولي يتجددكل ليلة ..
جميعاً مساؤكم راقي كرقي قلم ضيفتنا
تمتيز كتميز عطائها ..

الليلة ننتظر ضوءً آخر .. ضوءً متميزاً راق ، برغم خفوته حينا إلا أنه بضوء آخر ينير
عتمة الأرواح المتعطشة لحرف نابض ، لحرف أكثر صدقاً ، لحرف يأتي من أعماق الأعماق .

الليلة ولإسبوع سيضاء ليل أزاهير ،ابتهج أركانه بحضور ضيفتنا التي كتبت بعض حروف فبقيت نقشاً في ذاكرة كل من قرأها ...


((( مون مون لولو ))

تحية طيبة مني لك

عندي لك كم سؤال اود طرحهم هنا في دائرة الضوء .. وبصراحة في اسئلة سبقوني فيها
بعض الاعضاء وما احب اجيب شي مكرر ..
عموما ..

هل انتي مع المقولة اللتي تقول ( الناس يسيرون في خط الى الامام ، والواقع العكس ) ؟؟
ما هو برجك ؟
كلمة تحبي تلقيها ؟

والسلام عليكم ورحمة الله وبركاته
مون مون لولو
13-06-2006, 05:05 PM
أهلانات وسهلانات بيكي مرة تانية,,,


كفاية نورك عالموضوع...





طيب اانا عندي اسئله كتيييييييير بس تجااوبي فاهمه :013:

أكيد ح أجاوب


1_كم مقاس الشووز حقتك الله يكرمك؟؟؟

38 أو 39


2- الين فين طول شعرك؟؟

تقريبا الين قبل اخر ظهري بشوية

3-كم عدد اخواتك واخواانك وايش ترتيبك؟؟

كلنا 5 ولدين وتلاتة بنات أنا تاني وحدة



4-كم معدلك في الجامعه؟؟!!!************************احراج بس جااوبي

2.83


5- اسم ولد يعجبك؟؟واسم بنت يعجبك؟؟

اسم ولد يعجبني أحمد واسم بنت ريتال


6-ايش اكتر شي تحبي تلبسي مثلا بنطلونات تنانير ...الخ؟

والله مافي شي محدد بس أنا ماأحب التكرار يعني دولابي ملياااان بس أكتر شي أشتريه البلايز



7-بلد تتمني تسافريها شهر عسل انشاءالله لمن تتجوزي؟

ممكن ماليزيا أو تركيا


8- لو خيروكي من اعضاء المنتدى مين تتمنيه زوج لكي؟؟********>مجرد سؤال لااحد يصدق الاجابه

يعني قصدي في اخلاقوو واسلووبوو

الصراحة في كتير يعجبوني بس ماحاقدر اذكر اسامي


9- ايش طموحاااتك في الحياه العمليه والعلميه والاجتمااعيه؟

يارب أكون دكتورة في اللغة الانجليزية وأكون زوجة وأم مثالية


10- اكتر انسانه تعزيها من بين صحباتك ايش اسمها؟ واكتر وحده تعزيها من قرايبك مين هي وايش اسمها؟؟

أكتر وحدة أحبها في صاحبايت وحدة اسمها أمل ووحدة اسمها أسماء , من قرايبي أختي أحلام وبنت عمتي ولاء


11-ايش الاكله اللي تحبي تاكليها؟؟

مكرونة بالباشميل وتشيز كيك


12- اكله تحبي دايما تطبخيها لو انتي بتطبخي اصلا لوووووووووووووول:013:

اللا ياهوووه أكيد أعرف أطبخ:009: أحب أعمل مكرونة بالباشميل وفي بسكوت مررررة أحبو ودايما أعملو



13-ايش اكتر اسواق تحبي تشتري منها في جده

كتير بس أكتر شي سوق حراء الدولي والسلطان مول والتحلية سنتر


14- ايش اكتر شي يشد اهتمامك لمن تنزلي السوووق مثلا صنادل ساعات بلايز..الخ؟؟

بلايز أنا مرررة أحب اشتري بلايز وعمري ماارجع من السوق فاضية:003:



15- اخر هديه اشتريتيها ؟ لمين ؟ وايش كانت؟

آخر هدية لأختي عشان التخرج بس لسا ماخلصت منها لأني باجمع لها أشياء مع بعض.


16- اغلى هديه اهديتيها لمين وايش كانت؟؟

أغلى هدية كانت أول هدية أهديها لأحب إنسان على قلبي وكانت شمعة فواحة ومعاها عطرين للشمعة


17- اخر مره روحتي السوق ايش اشتريتي؟؟

اشتريت فستان وعطر


18- اكتر وحده تحبيها في المنتدى...,اذكري اسم شخصين (اسم بنت +اسم ولد )؟

أكتر وحدة أحبها في المنتدى جداوية وأكتر واحد خليه بيني وبين نفسي


19- لو قالولك تروحي تعيشي في مكان مافيه ناس مثلا جزيره ناءيه توافقي؟؟ ومين تتمنى تاخدي معاكي هناك؟؟

الصراحة ماأوافق لأني خوافة شوية بس لو كنت حاروح اخد كل الناس اللي أحبهم



20-كم مره تروحي الحرم في الشهر ؟؟

أيام الجامعة أروح كل أسبوعين أو كل 3 أسابيع وفي الاجازة تقريبا كل أسبوع


21- عمرك سقتي سياره ولالا؟؟

لو كان ايوه فين ومتى وسيارة مين؟

سيارات السكوتر ( الصدام ) في الملاهي بس:031:



22-ايش هواياااتك؟

النت والسفر والكتابة بس بالانجليزي



23-تحبي تتشمسي(تتقمري في الشمس)************************جداويه تحب تتقمر لووول؟؟

لا والله مو كتير كفاية الجامعة قمرتني:016:


24-ايش لون عيونك؟ لون شعرك؟ لون غرفتك؟ لون سياره سواقكم لووووووووووول؟؟

لون عيوني أسود ولون شعري تقريبا بني ولون غرفتي تركوازي ولون سيارة سواقنا بيضا




25-اكتر مكان تحبي تروحيه يعني تتمشي فين؟؟

أحب البحر في النهار وأحبو في الليل لو كان الجو بارد وكمان أحب الملاهي مرررة والأسواق


26-ايش المطعم الي تحبي تاكلي فيه ؟؟

أحب الأكلات السريعة يعني ماكدونالدز وليتل سيزر وبيتزا هت والبيك وكمان أحب المطاعم الهندية


27- مين بنت من المنتدى تتمني تقابليها قررييب؟؟؟********>>ِشكلي اانا ياويلك لو ماكتبتي اانا:018:

أكيد انتي ياقمر


28-ولد من المنتدى تتمني تجوزيه لوحده من اخوااتك >>>لانو فيه سؤال فوق واحد تتمنيه زوجك ؟>>لوول

والله مدري بصراحة مين اللي ممكن يناسب أختي بس اللي يبغا يتقدم الله يحييه:003:





خلاص كده يكفي

ماشاء الله كفيتي ووفيتي


ومرررة شكرا ليكي ...


أسعدني مرورك...


تحياتاتو...
مون مون لولو
13-06-2006, 05:10 PM
أهلانات وسهلانات بالبروفيسور....



منور الموضوع....



وبالنسبة لأسئلتك ياعزيزي...


هل انتي مع المقولة اللتي تقول ( الناس يسيرون في خط الى الامام ، والواقع العكس ) ؟؟

بصراحة ايوا معاها

ما هو برجك ؟

برجي الثور

كلمة تحبي تلقيها ؟

أبحث دائما عن رضا الله لأن من يرضي الله كان حقا على الله أن يرضيه وأحسن وأخلص في أداء أعمالك

لأنك لو أحسنت في أعمالك ستجد أجرا لم تحلم به , قال تعالى (( إن الله لايضيع أجر من أحسن عملا))


وشكرا ليك ,,,


أسعدني مرورك.....


تحياتاتو.....
الفاخر
30-06-2006, 02:53 PM
اهلا وسهلا اختي مون مون لو لو ..
شاكر لك اجاباتتك الواضحه والصريحه والسلسه ..
مع تمنياتي لك با التوفيق والنجاح في حياتك العلميه والعمليه ..

الاسئله الرياضيه :
1 . مين تتوقعي يفوز في مونديال كأس العالم ؟
2 . فريقك العالمي المفضل ؟

الاسئله الشخصيه :
1 . اش الشي الي دايما تتذكريه ؟
2 . اش الشي الي دايما تحاولي تنسيه ؟
3 . اش اكثر شي يعجبك في حوا ؟
4 . اش اكثر شي يعجبك في ادم ؟
5 . اش الشي الي اخر ماتتوقعيه يسير وسار ؟

اسف ع الاطاله


ودمتي بحب
مون مون لولو
01-07-2006, 02:06 AM
أهلين وسهلين بالفاخر....


منور الموضوع....


بالنسبة لأسئلتك ياعزيزي...


الاسئله الرياضيه :
1 . مين تتوقعي يفوز في مونديال كأس العالم ؟

ممكن أسبانيا أو إيطاليا أو البرازيل

2 . فريقك العالمي المفضل ؟

أنا ماأشجع الكورة بس أحس انو أحسن فريق البرازيل

الاسئله الشخصيه :
1 . اش الشي الي دايما تتذكريه ؟

ربي

2 . اش الشي الي دايما تحاولي تنسيه ؟

الزعل

3 . اش اكثر شي يعجبك في حوا ؟

الأخلاق والطيبة الرقة والدلع

4 . اش اكثر شي يعجبك في ادم ؟

الأخلاق والطيبة والحنان والرجولة

5 . اش الشي الي اخر ماتتوقعيه يسير وسار ؟

مممممممم بصرحة الين دحين ماادري بس يارب يتحقق ويسير اللي في بالي

وشكرا ليك....


أسعدني مرورك....


تحياتاتو,,,