ahmsham
20-03-2006, 08:02 PM
:011: :011: يعني قبل 15 سنة كان الكورنيش مكان الواحد يطلع فية ساعة اوساعتين يستمتع بغروب الشمس ويشوف البحر وامواجه ويستنشق الهواء الجميل ويجلس مع الأهل او صديق يتكلموا ويستمتعوا بوقتهم، لكن الآن في الخمس سنوات الأخيرة بدأت اشوف الحواجز الخشبية تكثر والواحد يمشي بالسيارة الين اخر الكورنيش ما يلاقي مكان يقعد فيه والا يضطر انه يجلس مع البشكات الشبابية والعوائل الأجنبية ويمكن الوليه ماتوافق وتقول بطلنا رجعنا الى البيت. يعني السؤال اللي يطرح نفسة ليه هذه الشركات او المؤسسات اللي بتعمل هذه المشاريع عملت مشاريعها في اماكن على البحر بس في مكان يكون لم يكن مهيأ للترفية من قبل مثل الكورنيش الجنوبي واترك الإجابة للقراء الأفاضل. ثم انه البوفيهات اللي على الطريق ونت ماشي اسعارها غير موحده وكأنه كل واحد له سياسة خاصة في ألأسعار. ثم انه قرب الجلسات من الشارع الرئيسي ربما يسبب حوادث مرورية لاسمع الله والا يجيك واحد طاير بالسيارة ورافع صوت ال CD للآخر ممكن ينحرف على الرصيف ويحصدله كم واحد، يعني الواحد يخاف. لكن المفروض بعد التحسينات الأخيرة اللي قامت فيه البلدية في بعض الأماكن كانت وسيعة ولابأس بها لكن تلاقي امة محمد كلها هناك والزحام شديد. كان من الممكن ان يدخلو شويه بإتجاه البحر ويعملو مضلات محترمة حتى عن الشمس والأمطار وجلسات عائلية جميلة وبعض الأشكال الأثرية اللتي تعطي الطابع الحضاري لمدينة مثل جدة، بلإضافة الى دورات المياه. مش الواحد يروح يدور له على مسجد في اخر الدنيا عشان مايبغى يترك المكان اللي هو فيه.،،،،،،،،،،والى موضوع اخر ،،،،،،،،، في المدينة العصرية ،،،،ج د ة ،،،،،،AHMSHAM
E-MAIL
ahmsham@maktoob.com
ahmsham@maktoob.com