المدينة الترفيهية

[ahmsham]

كلنا نعرف ان اماكن الترفيهية في محبوبتي جدة مكلفة جدا وبس تروح لوحدة منها يبغالك ميزانية. يعني الأسعار يجب ان تكون في متناول الجميع بحيث شريحة كبيرة من الناس تستفيد من هذة الأماكن الترفيهية. ثم ان العشوائية في التنظيم للزوار بحاجة الى اعادة نظر يعني مثلا لو يكون هناك اماكن ترفيهية للشباب الغير مرتبط بأبناء وزوجة يكون افضل، ويكون اصحاب الأولاد في اماكنهم الخاصة يعني بعد يمكن الشهر او الاشهرين حتجينا الصيفية وياليت السياحة في مدينة جدة تكون على ارقى المستويات.


:032:

[rakan]

بصراحة السياحة فب جدة يبغالها ترتبات اكتر

[Jeddahwya]

ياابني سافر بره السعوديه احسن لك


يعني لو سافرت بره حتصرف نص اللي تصرفه هنا


واحلى كمان



انا ابداااااااااااااااااااااااااااااا ماااشجع السياحه الداخليه


لانهم حراميه


سرقه عيني عينك


في الشلال تدخل ب 20 ريال بس دخول


وجوه اللعبه ب 10 او 15


يعني يادوووووب كل واحد يبغاله اقل شي 100 ريال


تخيل واحد عنده 7 اطفال؟؟؟؟؟؟؟؟؟؟؟؟

يعني 700 ريال


والله في اي بلد بره تدفع 15 دولار بس


وكل الالعاب الييييييييييييييين ماتطفش


روح احسن لك بره جده بلا جده بلا قرف:001:

[روبي]

هههههه

صح كلامك جداويه



احنا عشان مانسافر ندفع بلاوي في الاجازه

وربي ننزل السوق ندفع الألف هذا لما تكوني مرره مااشتريتي شي وتبي تمسكي يدك

صح كلامك على الشلال وجنغل لاند وكل الأماكن حتى لو كانت الدخول ببلاش تدفعي اقل شي للولد ميتين بس تذاكر والعاب للولد الواحد اما الألعاب اللي نشتريها كل خرجه والأشاء التانيه لها حساب تاني


وكمان الشباب اللي في المراكز والاسواق صح كلامك اخوي ahmsham المفروض يعملولهم قسم خاص

او يسمحولهم الدخول عادي مع العوائل احسن

وشي تاني كمان الزحمه اللي تكون في الشوارع هذي

ماتقدر تمشي
شارع التحليه ياخد منك ساعتين وزياده

يعني السنه اللي مانسافر فيها استغفر الله

تكون مررررره طفش


المفروض يكون في تنظيم اكتر واحسن


وتحياتي

اختكم روبي

[نورة]

في هذا صادقين الأسعار ناااااااااااااااااااااااررررررررررر

وماتقدري تروحي أماكن كثيرة بسبب الغلا

بره نروح شاليهات 5 نجوم سعرها ما يجي نص سعر الشاليهات في جده
هنا اليلة بـ 2000 وما فوق يعني يذبحوا النا من الوريد للوريد تقول الناس جايبة مال حرام عشان نرميه الرميه هذا ..


وأصحاب الشاليهات هذا نفسها ما يقضوا الأجازة هنا يقضوها بره :011:

يعني ما يروحو فيه إلا الغلابة:001: مع إنو زي ما قالت جدواية الإجازة بره ما تكلف إلي ندفعه هنا وعلى قولتها أحلى من هنا بكثير

ما أعرف ليش الدولة ما تحط حد لهذه المهزلة .....


تحياتي:003: