ياريت الكل يتجاوب معاي واكون مشكوره

[همس الحبايب]

هاي
هذي اول مشاركه لي وياريت الكل يتجاوب معاي
انا ساكنه بمكه جديد وحبيت اعرف عن جده اشياء كثيره وطبعا منكم حيكون حبايبي
ايش احسن المطاعم العوائل بجده وتكون رايقه
احسن الاسواق الي فيلها ماركات مثل فور ايفر ماك وشارمل
الكوفيرات واه من الكوفيرات جننوني وصاير شعري محط تجارب وااااااااه وبكل مشغل بيطلع بشكل وجهي ضارب خخخخخخ

ياريت تساعدوني بالذات بالقص وصبغات الشعروتحديد مين الكوفيره الاحسن بنفس المشغل
واشياء كثيره حسئل عنها بس حشوف تجاوبكم معاي الهمه ياهوووو
تحياتي d7:

[miss_Jeddah]

أهلا بكِ يا (همس الحبايب) عضوه جديده معنا.. ونشكرك على تسجيلكِ ومشاركتكِ..

أما بخصوص أسئلتكِ..

بالنسبة للمطاعم..
* إذا حابه مكان مفتوح على الهواء الطلق وأكله لذيذ انصحك بـ (لاكوستا).. حلو وهادي.. أو مطعم (منتزه الأبراج)..
* وإذا حابه أماكن مغلقه.. (العجمي) - (ابو شقره).. وإذا حابه أكل بحري روحي مطعم (الدار)..
* الأماكن إلي اعرفها وعجبتني: كافيه اروما - جافا - ميوزك كافيه..

بالنسبه للكوفيرات..
فيه (انجيلينا) - (سوبر استار).. كويسين وعلى ضمانتي :).. إذا حابه تفاصيل اكثر راسليني..

نحن في الخدمه.. وشكراً..

[كلاوديو المطيري]

اذا تبغي مطاعم راقية واكلها ممتاز ما عليكي الا شارع الاندلس عندك كثير مطاعم منها اللي يحضرني منها :

تشيليز ، فرايديز ، ابلز ، جيهان الايراني والقائمة تطوووووووووووووول


واي خدمة احنا حاضرين..

[ملاك الليل]

بالنسبة للمطاعم نفس اختيار كلاوديو

اما الكوافيرات ارشحلك جمالك اللي في مركز الخياط بس لاتروحي غير لـ عطرة هي بس تقص وتصبغ وعلى فكرة معروف عندنا انه احسن وحدة في القص والصبغات عطرة وانا اضمنلك هي
وانتي بتسألي عن ميك اب فو ايفر في التحلية مول الدور الأرضي - في مركز البساتين الدور الأول

ولو عندك اي استفسار اتفضلي اطلبيه مننا واحنا نجاوبكC2:

[همس الحبايب]

مراحب للحبايب


يسلمووو الله يخليكم لي يارب ماقصرتو معاي

واكيد مالي غنى عنكم حتعبكم كثير معاي بس اتحملوني d7:

تحياتي لكم :rolleyes: