تمتمات حمار

[Asr]

يا لسخافة الذين
يظنون أن مشاكلهم الشخصية يجب أن تشغل كل الناس …!!!

[nona]

هنالك اناس
كثر ممن يحبون ان يلفتوا انظار الناس لهم من خلال مايرددونه عن مشاكلهم الشخصية مع
العلم انه قد تكون مشاكل المستمع اكثر تعقيدا من مشاكل المتشاكي.من تجربة شخصية في
ايام الجامعة كانت معنا احدى الرفيقات التي لاتتواني من التشكي من الدكتور الفلاني
والاستاذة العلانية وتدعي انهم "قاعدنلها ومايحبوها"وان هذه مشكلة لازم نحن
صديقاتها ان نقف بجوارها حتى نساعدها مع العلم من انها اوهام نسجتها وصدقتها،وذلك
تحت تجذب انتباهنا نحوها.وكانت تغضب منا اذا لم نوافقها او حتى نستمع لها وكانت
افضل طريقة لايقاف هذه المهزلة عدم السماع لها حتى اعتقد انها فقدت الامل فيا وبدات
"تاكل اذن ناس تانين". على فكرة السخافة فهمتها بس من الحمار اللي بتمتم ممكن
تقولي؟!

[حـــــزين]

عزيزي Asr كلامك سليم و خالي من العيوب
.......... اما انت عزيزتي nona فما اقدر ازيد على كلامك اي شيء غير اني اشدد على
سؤال (( مين الحمار اللي بتمتم ؟؟ ))... و شكرا ............

[Asr]

لا يروح بالكم لبعيد
.. لاني اكتر واحد يعرف انه هذا المكان مو مكان المهزله وتبادل التفاهات .. عموما
مو دا موضوعنا وبالنسبة للحمار .. ممكن اسالكم يا حبايبي مين في رايكم يقدر يقول
كلام زي دا .. انتي يا نونا ... وللا انتا يا حزين .. وللا مين دا اللي عايش خارج
القوانين الاجتماعية ويقدر يقولها وقت اللزوم .. لازم يكون حمار .. وما يفكر ..
عشان ما احد يلومه ويتهمه بالانانية والتكبر وشوفة النفس .. بس انشالله ينطق الحمار
ويتمتمها.. سلامي لكل البشر اللي انا واحد منهم آسر [Edited by Asr on 28-05-2001
at 12:59 AM]

[حـــــزين]

عزيزي Asr كلامك سليم بس لا تسيب الدنيا
عايمة بالفاظ خفية .. اسمح لي اقولك حاجة قبل لا ابدا اوضح فكرتك ... احنا زيك يا
بيه اوادم ......... بعدين خليك حبوب شوية الحياة جد و لعب و ضحك وحب ........ اما
بالنسبة للحمار اللي ذكرته فعلا احنا ما نواجه حقيقتنا في معظم الاحيان ....... و
لما يواجهنا احد بيها يا وليه و يا سواد ليله .... فمن هنا اطلق على الشخص الصريح و
اللي يقول للاعور اعور في عينه .......... حــــــمــــــــار ......... و اسمح لي
كمان اني اكون صريح ( مو حمار ) و اقولك في وجهك .... احسنت في كتابتك و good luck
......... و شكرا ......

[sona]

احيان الواحد من كثر
ما يكون مهموم يفضل يسمع هموم الناس يمكن يهون عليه همه بعدين ايش حكايه الحمير
معاك؟؟؟؟ عندك عقده منهم؟؟؟عضكحمار وانتا صغير ولا ايش؟(ترا بامزح لاتاخذ الموضوع
بحساسيه)

[Asr]

هوا أكيد ما عضني حمار وأنا صغير ... بس بيني
وبينك موضة الايام دي .. ليها دور في الموضوع آسر

[Asr]

في حاجه انا مستغربلها من قبل ما انزل الموضوع دا ...
ونزلت الموضوع دا بس عشان اتاكد منها وهي انه فهمنا للكلام اللي نقراه صار سطحي جدا
.. وصرنا ما نقدر نتعب نفسنا ونحس الكلام قبل ما نقراه .. او على قولهم نقرا ما بين
السطور (سطور ايه .. هوا سطر واحد مافي غيره) في الموضوع دا اتلميتوا كلكم على
الحمار المسكين .. ما ادري كيف كنتوا تحسبوها مع انه الموضوع عادي جدا ومو اول مره
نسمعه .. طيب ايش الجديد ؟؟؟ ايش اللي يخلي آسر يكتب الكلمتين دي وينزلها المنتدى
...ويتعب المشاركين انهم يدخلوا ويقروا .. مع انه متأكد انهم ماهم اطفال في الروضه
وكلام زي دا عدى عليهم مية مره اكيد يبغى يوصّل حاجه جديده .. اللي يطالع في
الموضوع يلاقي الحاجه الغريبه فيه .. عنوانه .. (تمتمات حمار) مو كلام حمار .. ولا
نهيق حمار ..لأ بس تمتمه .. نرجع للكلام اللي انقال .. يا لسخافة الذين يظنون ان
مشاكلهم الشخصية يجب ان تشغل كل الناس تخيلوا لما الكلام دا يطلع من حمار .. لا
وبتمتمه ... احنا ايش نعرف عن الحمار .. متبلد المشاعر .. وعديم الاحساس .. يعني
الرابطه بين العنوان والموضوع هو( لاي درجه هادول الناس اللي يفتكرو ان مشاكلهم
الشخصية هيا مشاكل لكل الناس .. خلت الحمار .. اللي هوا الحمار يحس بسخافتهم )...
صعبه دي ... الموضوع مفهوم ويمكن كلام نونه وضحه اكتر .. لكن ما ادري اذا كان
العنوان اضاف للموضوع شي .. او لأ هادا اللي اتمنى اعرفه من ردودكم الجايه ..
وخصوصا حزين ونونه وسونه ومرة تانيه اقول انا ما كنت اتمنى اني اوضح التوضيح دا ...
سلام آسر

[حـــــزين]

عزيزي Asr ليه كل النرفزة هدي
.........؟؟؟ اذا كانت الاراء فيها شوية مزح او تخفيف للجو الجدي فلا بد منها في
رايي ...... بعدين قلت لك انا الدنيا ضحك و لعب و جد و حب ...... خليك حبوب يا
هوووووووووووو....... و يا ريتك تقرا توقيعي ................ و شكرا .........

[Asr]

والله مو متنرفز يا حبيبي
حزووووون انتو حبايبي .. في احد يزعل من حبايبه .. والتخفيف لابد منه لما تحس اللي
بيقروه فاهمينه .. مو كل واحد يقوللي ايش الحمار دا ... ومالو يا باشا .. خففوا على
راحتكم بس لا تزيدو التخفيف مرره تروح تحصل حاجه بطاله ... ;) آسر اللي آسركم
بكلامه

[حـــــزين]

حبيبي Asr ..........
الحب متبادل .......... و لو منت آسرنا بكلامك ما كنا ردينا عليك ........ بعدين
انتا مزعل نفسك على الحمار لييييييه لهدي الدرجة ؟؟؟ يا سيدي اهو كله برتقال
....... المهم احنا مع بعض في هدا المنتدى حبايب و زي منت عارف المحبة و الاخوة هما
اللي جمعونا هنا ..... و لا ايه رايك ؟؟؟؟؟؟؟؟ ((( خد الامور ببساطة
)))......................... و شكرا.........

[Asr]

من فين جبت
الكلام الكبير دا كم مره اقوللك بلاش تتكلم في السياسه قد ما اعلمك ما يبان فيك هيا
رووووح وانتا .... . . . طيب .. خلاص نزول عند رغبة الجماهير .. انا ح أقطع عنك
المصروف اسبوع .. ومن غير بكا شباب آخر زمن آسر

[nona]

شكرا على التوضيح وعلى العلاقة الحميرية بين الاثنين
والموضوع الصراحة اجتماعي "لذيذ" اتمنى ان الكل يشاركنا في.احب اقولك العنوان هو
اللي جذبني في الاول.والصراحة انا افتكرت ان الحمار هو الانسان اللي بيتشاكى ويتمتم
باي شي بكل مايملك من بلادة احساس بس طلع تفكيري غلط.يالله المهم ماتزعل اننا
طلبناك تفسير وحقك علينا ياسيدي؟

[الزمـــن]

يا اللــــــــــــــــــــه... كل هذا
علشان حمار تمتم... امال لو الموضوع كحة دينصور ايش حتعملو...:) الله يصلحكم...
زمن"الحمير" :)

[Asr]

عادي يا نونه .... بعد الكلام اللي قاله حزين .. ما اعتقد
ممكن احد يزعل من احد هنا في المنتدى ... وعلى فكره .. انا احب المشاركات المفتوحه
(اللي ما يكون ليها نظره محدده .. وبالتالي تسمح لكل واحد انه يفسرها على طريقته
الخاصه وتكون صحيحه على كل الطرق) وبكدا تكون فيها حريه اكتر في الاراء ...
ونتائجها مفيده لكل الاطراف حتى للكاتب نفسه لانه ممكن يكون ما اكتشف الفكره من
الزاوية اللي انتي اكتشفتيها منها... ومثال بسيط اللي حصل هنا .. يعني لو اخدناها
على طريقتك برضوا صح ... وللا مو؟؟ آسر

[ريان]

إذا كان من تمتم بهذه العبارة هو
الحمار، إنه إذن لحمار حكيم. لا سيما إن كان يغرف من بحر أخي وحبيبي أسر. اسمحوا لي
أن أقفز فوق كل الردود وأن أتخطاها ولا أقرأ شيئا منها إلا مقولة الحمار التي علت
فوق كل الردود. وألف شكر لك يا أسر.

[حـــــزين]

حبة حبة يا ابو الشباب داخل بدون احم و لا دستور
........ اول حاجة قول سلام ،، بلاش عرفنا بنفسك ،، اي حاجة اما دخلة شمال زي كدا
......... لالالالا ،،،،،، كدا كلام مو تمام ....... ثم تعال هنا معنى انك تتخطى
الردود انت بتضحك على نفسك .. لو بتتخطاها على حسب كلامك اسمح لي اقول لك انك قاري
سطحي .. و برضو ما يمديك مرة تتخطاها عشان لو كنت فعلا اتخطيتها ما كنت تقول الكلام
دا ......... المنتدى ما جعل عشان ترفع من راي و تحط من آخر المهم فيه الاستفادة
................... و خليك تمام و بلاش انحيازية لانها مرفوضة هنا ....... آسر
صاحبي و اخوي قبل كل شي .......... و خليك تمام مرة اخرى ........ و شكرا
..........

[sona]

والله شكلو الحمار عضني انا لما كنت صغيره
تخيلو سووووووونه اقدع ناس مش فاهمه حاجه
حزين الحقني بعبوات ضد الغباء:D :

[ريـان]

أخي العزيز أسر..

أنتظر ببالغ الشغف وفارغ الصبر التمتمة القادمة لسيدي الحمار. ونرجو من الأصدقاء الهدوء وعدم إثارة الجلبة والضجيج وتبادل التهم.

أخي الحزين، لا أدري إن كان من المناسب أن أضع ردي لك هنا...

الله يسامحك

[حـــــزين]

عزيزي ريان ...

لو ما يهمني انك تظهر بصورتك المبدعه ...

ما كنت اهتميت بردي عليك ..

انت قبل كل شي اخ و عزيز و غالي ......:)

و تاكد اني ما اقصد اي شي خطر في بالك ......

لان احنا هنا كلنا حبايب و اخوان ....

بس شايف كيف انا رديت عليك هنا .......!!!!!! :p

الحياة حلوة و حلاوتها في بسطتها و تقبل الامور بصدر رحب ......


و شكرا ..............:)

[ريـان]

أخي حزين..

ما دمت مصراً على أن نتناقش أموراً جانبيةً في حضرة سيدنا الحمار فأنا موافق. على أن تأكل العلقة معي :D إذا حان وقت الرفس. - لا أدري إن كان حكماء الحمير يتقنون فن الرفس-.

أنت تعرف عزيزي أنني لا أتقن فن المزاح :rolleyes: . ولذلك اعذرني إن لم أكن موفقاً في ردي عليك.

وأنت تعرف أنني أحب اختصار الكلام. ولذلك قلت الله يسامحك واكتفيت بها. لأعلن لك ولكل من يقرأ هذه السطور أنني :) ليس في قلبي عليك أي شيء :) . وأني مسامحك على كل شيء. بالرغم من أنه لم يحصل شيء :) .

وائذن لي في أن أسرق بعضاً من كلماتك: وأنت لن تمانع : لاننا هنا كلنا حبايب و اخوان .... ، والحياة حلوة وحلاوتها في تقبل الأمور ببساطة وصدر رحب :)


وعفوا.........:p

[Asr]

... ريان ..
شكرا على متابعتك للموضوع ...

حزين ...
شكرا على حماسك الزائد ...

سونا ...
ما تعتقدي انك بعد مده من (البحلقه) في الموضوع .. ستتمكنين من التخلص من (عقدة) الحمار .. والوصول لطريقه تفهمين فيها الموضوع ;)

asr

[HAJER]

الاخ العزيز اسر
عارفه اني مرررررررررررررررره جيت متاخره على دا الموضوع بس معليش الموضوع مره عجبني وابغا ارد ..

تمتمات حمار ...
انا اشايفه انو المتمتمات مفهومه ومافي داعي اوضح اكتر مما وضحو المشاركين
..
لكن ليش الحمار من دون الناس كلها الي بتمتم بيها
انا اشوف انو الحمار من اطيب الحيوانات صبور ومكافح و نادرا مايعصب او يرفض يسوي شي احد طلبو منو ... ولكن مسكين مالو نصيب في الدنيا على قد ماهو صبور يقولو اهبل وعلى قد ماهو حكيم يقولو متبلد ..
ويفضل المسكين ويشيل و يشيل احمالو واحمال غيرو ..
عشان كدا بتمتم ويقول

يا لسخافة الذين
يظنون أن مشاكلهم الشخصية يجب أن تشغل كل الناس …!!!

[Asr]

شكرا يا هاجر ..
وبالعكس الموضوع مفتوح للنقاش في اي وقت


وبما انه صبور وما يعصب .. لما يستسخف حاجه زي دي .. معناها انها وصلت من السخافه لدرجة انها تخلي الحمار يتمتم .

شكرا على تفاعلك المميز جدا في المنتدى .

asr